Eidtafel

Rechteckige Holztafel, schwarz gerahmt. In der linken oberen Ecke in kleinem Rechteck ausgestreckte Hand mit in Schwurgestus erhobenem Daumen, Zeige- und Mittelfinger; Ringfinger und Zeigefinger nach unten eingebogen, roter Ärmel. Daneben schwarze Schrift auf weißem Grund: Ainer der Falsch vnd Mainaid schwördt, der höbt auf drey Finger bey dem Ersten ist zuversten Gott der Vatter bey dem Andern Finger Gott der Sohn bey dem dritten Gott der Heilige Geist bey dem Virtten in der Handt nider geneigt ist die Seel als sich verborgen vnter der Menschheit bey dem Fünfften auch in der Handt geneigt ist, der Leib der khleine zu schätzen gegen der Seel, bey der gantzen Hand wiert bedeuth Ein Gott vnd schepffer der den Menschen vnd alle Creaturen beschaffen in Himmel vnd auff Erdt der falsch ain Wort Redt in solcher Maß, Als ob er sprach als ich heint falsch schwör, Als bith ich Gott den Vatter, vnd den Son, vnnd den H. Geist vnd die gantze Dreifaltigkheit das ich ausgesötzt vnd verstoßen aus der Muetter der H. Christenheit vnd aller guetthat, die beschicht in der gantzen Welt, das mir die Guetthatten sey ein Fluech, meines Leibs  vnd meiner Seel, zu dem Andern mal als ob er sprach als ich heint falsch schwör, Als, helff mir Gott der Vatter, Gott der Sohn vnd gott der H. Geist vnd die Mueter Vnsers Hern Jesu Christi vnd die gantze Schaar der Engel vnd alles Himmelisch Hoor an der Zeit da sich scheiden wurd von Einander mein Leib vnd mein Sell, das mir die nimmer zu Hilff khumb vnd mier vntröstlich sein am Ende meins Lebens zum Dritten mal alß ob er sprach als ich heunt falsch schwör, als bith ich Gott den Vatter den Son vnd den H. Geist vnd sein heiliges Bluet vnd sein kostbaren Fromleichnam, bey dem Ich falsch schwör mir nimmermehr zu Hilff khomme noch beystendig sey an der stat da sich voneinander scheiden werden mein Leib vnd Seel an meinem lötzten End zu dem Vierdten mall Als ob er sprach Als ich heunt falsch schwör als sollen die wunden vnsers Hern Jesu Christi vnd sein Grundlose Barmhertzigkheit vnd sein heilige schiedung sein Vnschuldig Pitterkheit Angst vnd Noth vnd sein Strenger hartter Todt mir Armen Menschen Entzogen vnd an mir verlohren werden zum finfften als ob er sprach Als ich heunt falsch schwor als soll mein Seel, die, bedeith den Viertten finger und mein Leib der bedeuth den fünfften miteinander verdambt sein an dem Jüngsten Gericht durch die wurcheit Vrtl des Strengen Gerichts vnd werden Abachaut von aller Gemeinschafft Aller Heiligen vnd aller Himmelischen Inwohner vnd werden beraubt des begurlichen Angesicht der Ewigen beschauung vnd des Antlitz des Ewigen Gottes vnd seiner lieben Mueter Amen 1655. Rechts unten mit kleinerer Schrift: Dise betrachtung hat der Edl vest her paul hietwoll bürger vnd handlsman zu prugg an der Muer den kaisserlichen Marck Ausse Pressentirt.

Standort
Bad Aussee | BH: Liezen | Bundesland: Steiermark | Eigentümer: Rathaus (Sitzungssaal) |
nähere Angaben
exaktes Datum: 1655 | Entstehung: | Maße: L.: 152,5, H.: 86,5 cm |
Literaturhinweise
nach Hermann Baltl, Rechtsarchäologie des Landes Steiermark. Graz-Köln 1957, S. 70
Bearbeiter
Hermann Baltl

Kategorien: Hoheitsrechtsaltertümer | Hoheitszeichen | Eidtafel

<< zurück