imrealDB

Wir di burger zu Waidhoven  öffen und kundn an dem brief allen den di in ansehen oder hören lesen alle die recht die wir haben und damit unser stat von erst und von alten dingen herchommen  ist, und als si von .ort zu wort an dem brief geschriben stent:

Es ist unser ersts recht das ain burger das statgericht innhaben soll. und sol der genommen  werden nach unsers herrn des bischofs willen und nach der gswornen  rat.

Es ist auch unser recht das unser richter drew ehaft täding in dem jar mit uns habn soll und wir mit ime. und sullen wir in iedem täding drei sprach haben. und sol auch ain ieder burger oder der markrecht hab, bei den dreien sprachen ainer sein;  und wer des nicht enthut ân urlaub oder ân  ehafte not, der ist dem richter des wandls vervallen 60 den. und dem nachrichter 12 den.

Wir habn auch recht das der lantrichter nit mer ze richten hat auf unserm  purkfrid wenn  was an den tod get und auch umb ain hinfallends.

Wir haben  auch recht: wirdt in dem purkfrid ain schedlich man oder weib gevangen,  denselbn sol man  dem lantrichter antwurten  als si mit gurtl umbvangen  sind und auch nicht anders.

Es ist auch unser recht das aller fürvang auf dem purkfrid des statrichter ist.

Wir haben auch recht: wenn ain lantrichter uber ainen schedlichen man  oder weib richten wil in dem purgfrid, so sol di schrann besetzt werden mit der merern  menig von den burgern in der stat.

Es ist auch unser recht das ain lantrichter gegn ainem burger oder der marktrecht hat oder gen irn chinden und hinz irn dienern umb alle sach vor dem statrichter ain recht vordern und nemen, und soll sunst niemant vahen in dem  purkfrid umb  dhain sach ân den statrichter oder ân seinn diener.

Wir haben auch recht das der richter ainen nachrichter sol nemen nach der gswornen  rat und wen si wellen. oder wann  er in nicht fuegt, so sol in der richter den nachrichter verkern. er hat auch dhain recht .enn  das in von alter angehört.

Es ist auch unser recht das unser richter kainn newen  satz in unser stat mag gesetzn ân unsers herrn des bischofs willen und ân der gswornen rat.

Es ist auch unser recht: wer dem richter fur seine wandl guet ist, den sol er darumben nicht vahen under den burgern oder wer marktrecht hat. il sich ain burger fur iemant annemen der gut darzu ist, das sol der richter vergut haben unzt auf ain recht.

Es ist auch unser recht: wer der ist der ainn todslag thut in dem purkfrid unter den burgern, und hat derselbig 30 tal. den. ert ze wandl in dem purkfrid, so soll in der richter nicht vahen, ân als vil: ob ain gschrai an in käm, so sol er in vahen ob er mag, so ist das wandl unserm herrn dem bischof 30 tal. den. und dem richter 6 ß den., dem nachrichter 12 den.

Es ist auch unser recht das ain statrichter umb alle sach varen sol das die burger anget, nach der gswornen  rat die zu den zeiten sind, ân als vil was im unser herr der bischoff gepeut. as auch ainem statrichter von unserr burger wegen anget, des sullen wir im geholfn sein mit recht umb  alle sach wenn im sein not ist.

Wer  auch zwo unzucht  tut in der stat und tut er di dritten unzucht, so sol er gwis  machen  besserung. mag er sein nicht enthun, so soll er von der stat.
 . Wem  dann di stat verpoten wirt, dem sol der richter di stat nicht erlauben ân  der gswornen  rat.

Wer unpillich unzucht an den andern sucht und wirt des uberwärt, derselb sol baider wandl geben und sol disem sein schaden abtun.

Es sol auch  der richter dhainen purger in seim haus oder imant darinnen vahen. il sich der wiert umb  disen annemen  auf ain recht und ist der wiert dem richter guet, darzu so soll er in ausgeben.

Wer  den andern haimsuecht,  so ist dem wiert di besserung 5 tal. oder ain hant und dem richter 6 ß den. und dem nachrichter 12 den.

Wer auch der stat und dem richter besserung schuldig wirt und hat er es an dem  guet nicht, so sol man in pessern an dem leib nach der gswornen rat.

Es ist auch unser recht: ob ain burger  den andern wunt  in dem purkfrid, so ist dem richter das wand. ß, dem nachrichter 12 phenning.

So ist auch unser recht: ob ain burger zuket mit gevärd ân schaden ain swert, so ist das wandl  dem richter 60 den., dem nachrichter 12 den. ist es dann ain messer, so ist das wandl 12 den.

So ist auch unser recht: ob ain burger den andern wunt ausserhalb des purkfrids, klagt man  es dem richter nicht, wie wol es im ze wissn .irt gethan, so ist er dem richter nichts vervallen;  .irt es ime aber klagt, so ist das wandl dem richter 60 den., dem nachrichter 12 den.

Es ist auch unser recht das ain richter hinz dhainem  burger oder der marktrecht  hab sol war machen  umb wandl, es sei dann ain schedleich man oder weib.

Wir  haben auch recht: was uber 10 tal. get mit clag vor dem rechten, da dingt man  wol umb  an unsern herrn den bischof oder an seinn anwalt.

Es ist auch recht das vor dem rechtn nimant soll sagen umb  dhainerlai .as uber 10 tal. get wann ain sentmëssiger mann  und ain eeburger.

Wir  haben auch recht: umb wew  der richter bei seiner gwissn sagt das an in wirt gezogen vor dem rechtn, da sol man sich an lassen genugen, .enn  er an zwaier mann  stat wol sagt. dasselbig recht haben auch di gswornen, das der sol sagen bei dem  aid den er unserm herrn dem bischof und den burgern gemain  gesworn hat und anders nicht;  .er in aber höher .ollt dringen, das sol er bringen und nemen vor dem herrn der zu den zeitn des gotshaus gewaltig ist.

Wir  haben auch recht: ob der richter der gswornen  ainn ainer urtail fragt und kan er im der urtail nicht verantburten, so soll er sich darumben  besprechen und soll darnach di urtail verantburten als si in guet bedunkt und recht ist.

Es ist auch unser recht das ain burger oder der marktrecht  hat in dem purkfrid sol clagen drei clag, und an der dritten clag sol im geantburt .erden  als recht ist.

Wir haben  auch recht das man umb ain purkrecht vier clag clagen sol, und an der vierten clag sol das purkrecht  verantburt werden  als recht ist.

Es ist auch unser recht: chumbt zu clag ain gast hinz ainem burger oder der markrecht  hat hie in dem purkfrid, so sol im ain recht nit lenger verzogen werden den an den dritten tag, und sol dann dem gast ain recht .iderfaren als recht ist.

Wir  burger zu Waidhoven  haben recht gen Steyrern und Peterern Aspekhern  Ambstetern  Ybbsern  Udmarfeldern  und  gegn des bischofs leutn von Passaw  in dem  Luss und gen des abbts leutn von Seytnstetn und gen des abbts leutn von Gërstn und gen des abbts leutn von Admund, haben recht gen einander also das wir si noch si uns nit sulln aufhaben noch  verpieten umb kain gelt;  es sol stëts ainer vordern an des andern richter ain recht. iert aber ainem  ain recht verzogen und mag er das pringen mit piderben leutn, der habt in furbas wol auf zu ainem rechten;  also ist es von alter herkomen. und auch das wir zu Steyr kain maut nicht geben.

Wir haben auch recht: hat ain man  ain purkrecht jar und tag innen unversprochen, so soll im es der richter und di gswornen  furpas frein und schermen fur all ansprach;  das ist purkrechts recht.

Es ist auch unser recht das man  der stat insigill nimant soll anlegen umb kainerlai sach nur mit der gswornen  rate.

Es ist auch unser recht das der richter kain purkrecht noch markrecht nimant leihen soll dann in der schrann vor den gswornen.

Wir haben auch recht das man kainem hoffman  kain purkrecht aus der stat nicht leihen noch setzn soll.

Es ist auch unser recht das nimant vor unserm  rechten sagen soll umb kain purkrecht, nur der burger ist.

Wir  haben auch recht: wer in dem purkfrid purkrecht oder markrecht hat, der soll den burgern geholfen sein wenn in sein not ist, und sol mit den andern burgern leiden was si anget mit steurn oder mit wachten oder mit andern sachen, an wew  das ist.

Wir  haben auch recht: wer sein purkrecht versitzt zu der rechtn zeit, so ist das wandl acht tag 12 den., 14 tag 24 dn, vier wochen 48 den.; das slecht man auf das purkrecht alsvil als es getragn mag.

Es ist auch unser recht: bestet imant ain haus umb hofzins, denselben phent man wol ân recht umb  denselben hofzins und umb nicht mer, es sei hofzins vor den heusern oder darinn. sunst sol iderman von dem andern ain recht nemen  umb all sach vor dem richter.

Es nimbt auch ain idlicher wiert wol pfant ân den richter umb alles das verzert wirt in seinem haus.

Wir haben auch das recht das der richter kainen inman nicht pfenten sol, er sull es ee ze wissen thun  seinem wiert der des purkrechts gewaltig ist.

Es ist unser recht das ain iedlicher burger sein purkrecht wol versetzen und verkaufen mag umb sein leibnar, und soll in daran nimant irrn, also ob er es nicht verziehen mag.

Wir haben  auch recht das der richter kainem  nlann purkrecht  sol leihen, er mach  es dann  guet das er in jarsfrist purkrecht kauf in dem purkfrid.

Es ist auch unser recht: wie ain wein wirt ausgerufft oder gesetzt, also soll er in geben und nit teurer.

Wir habn  auch recht das ain burger  der gut darzu ist oder der marktrecht  hat, aus ainem leithaus wol get, ob im der wirt nicht porgen .il, also das er an dem andern tag hinwider in ze laisten gee. tät er des nit, so ist er dem wirt vervallen zwispil und soll im der richter ain phant geben ân alles recht, und ist auch dem richter vervallen des wandls 60 dn, dem nachrichter 12 den.

Es ist auch unser recht das kain leitgeb unsern kindern und unsern dienern nicht höher porgn sol und auch hinz in weren sol ân alsvil er ob der gurtl hat.

Wir habn auch recht das man kainer frauen nicht höher porgen sol dann zwelf den., es sei dann irs wierts willen.

Man  sol auch kain frauen zu purgl nemen ân irs wierts willen dann fur 12 den.

Es mag  auch kain fraw an irem tod nicht mer geschaffn dann ir teglich gwant oder ain zeitlichs ding ân irs wierts willen.

Wir  haben auch recht: wenn der wechsl aufstet, das der wechsler noch sein knecht nimant  sullen aufhaben noch irrn in dem purkfrid, wenn man begreif in dann mit unrechter wandlung.

Es ist auch recht das si nimant  in sein haus laufen noch suchen sulln, si sehen dann unrechte wandlung  darinn.

Wir haben auch recht das man  dem wegsler umb sein gelt das man im von dem  wechsl schuldig wirt, sol der richter phant  antburtn ân alles recht.

Es sol auch ain burger oder der statrecht hat an dem Rabmperg  auf der gemain ain gartn haben und nicht mer, nur zu kraut und nit zu getraid.

Wir  haben auch recht das der burger gemain  nimant sol auffahen oder darauf pawen ân der gswornen rat. er das uberfur, der ist vervallen der stat 6 ß den., dem richter 60 den., dem nachrichter 12 den.

Wir verpieten in dem purkfrid aller gemain die gaiss. er dasselbig uberfur, der ist der stat, dem richter und dem nachrichter der obgeschriben pessrung vervallen und di gswornen  unterwindent  sich der gaiss.

Es ist auch unser recht das nimant die rinkmawr  oder di mawr zwischn den steten durchprechen  noch darauf paun noch  dhain wasser darin kern sol ân der gswornen rat. er es daruber tät ân urlaub, der ist des vorgeschriben  wandls vervallen, der stat 6 ß dn, iudici 60 den., posteriori 12 den.

Es ist auch unser recht: wer ladn zu den prukn an sand Jörgn tag dienen sol von der gemain  und versitzt er das, so unterwinden  sich di burger der gemain und pfent si der richter umb di ladn und umb das wandl 60 den., nachrichter 12 den.

Wir haben auch recht das der richter nimant dhain phant soll geben fur di zeit das man vesper geleutt und auch des marktags  uber tag, ân als vil ob ainer auf der flucht wër.

Es ist auch unser recht das aller furkauf in dem purkfrid an dem marktag  vor mittemtag  verpoten ist an allen dem das man kauft oder verkauft. tät es daruber imant, der ist dem richter des wandls  vervallen 60 den., nachrichter 12 den.

Wir haben auch recht das man  recht wag und metzn und ellen soll haben, und sol das der richter beschaun;  .er das nicht hiet, der ist vervalln des wandls iudici 60, posteriori 12 dn. und auch di leitgebn sulln bei demselbn wandl rechte mass geben.

Es ist auch unser recht das der richter mit den burgern alle heuser in der stat beschawen sol fur das fewr. und sullen auch alle jar ainst auf di gmain geen und  beschawen  wer si zu recht oder zu unrecht innhab: das sol man an derselben stat wenden und pessern.

Wer  die gemain fräflich ân der burger willn innhat, das ist der stat und dem richter 6 ß den. ze wandl, dem nachrichter 12 den.

Alle pasler und uberlange messer sind verpoten bei dem wandl den gestn durch ir zucht.

Es ist auch unser recht das der richter all wochen zu dem brotkauf sehen soll und ander burger den es empholhen  wiert mit im.

Es sol auch an der Zucht nimant kain holz furkaufen, es verlig sich dann, bei dem wandl iudici 60, posteriori 12 den.

Wir verpieten das man icht schaff auf den Puchenperg  auf di waid treib und dhainer icht ros auf unser waid des Puchennpergs  icht slach, bei dem wandl 12 den.

Wir verpieten das kain burger nicht mer salzs kauf dann 6 fueder ains marktags bei dem wandl.

Wir verpieten das chain gast nicht mer  kauf fueder salzs dann er auf seinen rossn desselbn tags mug  ausgefuern. und sulln auch kain salz nindert insetzn hinz kainem wiert, und soll auch chain wiert in sein haus nicht lassen einsetzen, dann was si sein nicht verkaufn mugen  das mugn si wol in ir herwerg einsetzn ân gevärde.

Wir verpieten das imant icht mer  holz kauf an der Zucht oder auf den gstettn dann  alsvil und er bedarf zu seinem haus, bei dem wandl 60 den., nachrichter 12 den.

Wir verpieten das nimant korn des sambstags  vor mittemtag nicht furkauf, bei dem wandl dem richter 60 den., dem nachrichter 12 den.

Wir verpieten auch bei demselben  wandl das kain wiert noch sein hofherr nach vesperzeit in dhainem stubofn nicht lass pachen.

Wer  in der gemaind  holz niderslecht ân urlaub, der ist vervallen der stat ain phunt den. von ainem iedem stamb, dem richter 60 den., dem vorster 2 dn und dem nachrichter 12 den.

Wer unpillich unzucht  in dem rathaus tut niden oder oben, der ist der stat der pesserung vervallen 5 tal. den., dem richter 60 den. und dem nachrichter 12 den.

Es sol auch  ain ieder marktrichter  alle jar von ainem  statrichter das marktrecht besteen in 14 tagen bei dem wandl;  so ain richter angeet, demselben richter zu marktrecht  geben 12 dn, dem nachrichter 2 den., und zu abschied 2 dn ongeverdlich.