imrealDB

Es ist zu merken was man fragen soll.

Zum  ersten, was  sich mit recht verlauft vor unserem  vogt, ob das kraft haben müg oder nicht. Uber den artickel haben si all die an der schrannen  oder darhinder gesessen und gestanden  sind, ertailt auf ir stark aid das das alles kraft sol haben, wann der vogt an der schrannen sitzt und den stab in der hant hat, was mit recht und urtail erfunden wirt.

Zum  andern, ob ainer newng  macht  anders dann als von alter her ist kummen,  was der ainem herren darumb pflichtig sei. Dies haben si auch also auf ir aid zuerkannt das in ain herr oder sein vogt zu iren hanten nemen und straffen mugen.

Das dritt, das si dem gotzhaus in die grunt gesprochen  haben, haben si erkannt als oben etc.

Das viert, umb die zupaw haben si erkannt: wann  ins ain herr nit lassen will, so mag er ins wol nemen.

Das fünft, sol man fragen wie das geding gee mit ainem rechten. Item, ab dem Strennberg in die Achleytten, aus der Achleytten wider auf den Strennberg, darnach ab dem Strennberg  gen Steyr, von Steyr gen Tegernsee, von Tegernsee  wider in die vogtei in die Ahleytten;  da soll es dann beleiben. es mag  auch niemand  gedingen dann ain antwurter, der mag  gedingen.

Das sechst, umb flüchtig holden: item, ain herr mag wol nach seinem leib und guet wol greifen wo er das [an]kunpt.

Das sibend, von der vögtknecht wegen:  item, sol kain knecht noch anders niemand  kain anderen vogt nit haben noch nemen  dann mein herr von Tegernsee, der doch in seiner vogtei sitzt und ist.

Zfragen umb  die väll: item, ob zwen mit einander vällig würden und dann pünt aufgesetzt würden,  welcher tail das nit hielt, dem mag ain herr oder sein vogt wol greifen nach seinem leib und guet.

Nota. 30 castenmetzen  zu Achleytten  sind oder pringen 25 metzen lantmass, und 30 castenmetzen  zu Achleytten  26 metzen  der mass oder des metzen  den dann Clement Panhalm  säliger von seinen armen leiten genummen  hat aufme  Strennberg,  wann  wir ain metz darnach  haben lassen machen. hat alles Hannsel Ampach  und  Chuentzel Decker  also gericht.

Item, castenmetzen  sind 5 Müncher  oder Tegernseer metzen.

Item, ain aufgehaufter castenmetz  ist ain gestrichner lantmetz im Osterland.

Item, 30 castenmetzen gehauft zu Achleitten pringen 30 lantmetzen gestrichen. und wenn  der lantmetzen  kumbt umb  30 den., so kumbt  der castenmetzen umb  25 den.

Vermerkt  die kuchendienst  auf dem Strennberg:  item, 70 gens per 10 den., facit 23 ß 10 den.; item, 400 und 44 hun?er per 3 den., faciunt 6 lib. 12 den.; item, 14 gross frischling per 28 den., faciunt 13 ß 2 den.; item, 8 clain frischling per 18 den., faciunt 4 ß 24 den.; item, 11 lemper per 28 den., faciunt 10 ß 8 den.; item, 11 wochenberch per 15 den., faciunt 6 ß den.