imrealDB

Hie ist ze merkchen waz man im pantaiding melden schol etc. etc.

Von erst meldent  mein herren das ïderman sol da sein dez tag. er dez nicht tüt, wez der dorümb  phlichtig wër?  72 den.

Aüch  meldent mein herren: ez sol in isleicher zech ein fewerhoken sein. ob dez nicht ist, waz sew darümb  phlichtig sein?  oder 72.

Es meldent auch mein herren: ob ein prünst auzchäm, so sullen die vasziecher  ze stet domit  berait sein. ob sew dez nicht täten, waz  die dörumb phlichtig wären?  pezzern an leib und an güt.

Es meldent auch mein herren: es süllen die pader mit iren knechten und schaflein ze sten berait sein zu den prünsten. ob sew dez nicht täten, .ez die darumb phlichtig wëren?  pezzern an leib und an güt.

Es meldent  aüch mein herren: ez sol ein mecznër sein und den meczen vachten  im jar dreistund. oder wer des nicht tät, waz der dorumb phlichtig wër?  .en des ainer oder zwen dapei sein, den sol [man] pesseren nach der purger rat.

Es sol aüch chainr chain meczen  des meczner  inhaben uber nacht oder 12 den. verfallen.

Mer von dem pruckgraben meldent meine  herren: [wer aus der] purkmawer  stain prëch bei dem tag, wez der dorümb  phlichtig wër?  72 den.

Es meldent mein herren: ob ez dann ainer bei der nacht tät, wez der phlichtig wër?  an leib und güt und vahen  fur ein schedleichen mann.

Es meldent  mein herren: wer sein viech in den prükgraben trib, .ez der phlichtig sei?  vom füezz 1 den. dem  nachrichter.

Es meldent  aüch mein herren daz allz viech gehort fur den herter. er dez nicht tät, waz der dorümb  phlichtig wër?  72 dn.

Aüch meldent mein herren daz chainer chainen besündern herter sol haben. er das tät, wez der phlichtig wër?  72 den.

Es meldent auch mein herren daz ider man hinder seinem haus in der Haffnergassen  den graben sol raumen. er des nicht tät, wez der phlichtig sei?  72 den.

Ez meldent auch mein herren daz iederman zü seim stadel uber denselben graben prücken sol. er dez nicht tät, wez der phlichtig wer dorumb? 72 den.

Auch  meldent [mein herren daz] die fleischaker ir viech nindert anderswo sullen slahen dan auf dem viechmarkcht. ob sew des nicht taten, .ez [si] dorumb pflichtig waren?  der haut.

Sew süllen auch die fleispenkch albeg aüf tün wann  man  die ander vesperglocken  laut. elher  dez nicht tat, wez der phlichtig wër?  12 den.

Auch welicher lebentig vich in seiner pank hiet uber nacht, der ist dem richter 12 den.

Auch meldent mein  herren daz niamant seinen unflat fur sein tür .erf. er das tät, wez der phlichtig wer?  72 den.

Es meldent  auch mein herren: ob ainer, ez wër fraw oder man, begossen .ürd aüs ainem haus, wez der phlichtig wör der ez tan hiet?  72 den.

Auch meldent mein herren daz nimant  kain misthaüfen  sol machen auf den purkgraben  nach in die gassen vor der stat. er das tat, wez der phlichtig wer?  der mist sol florn sein und 72 den.

Es meldent  auch mein hern daz chain pawer  sol treiben auf der purger waid, er sei dann mitburger. er daz dareber tät, wez der phlichtig .er?  72 dn.

Auch  meldent mein herren: ob ainer dem andern sein zaun hin trüg bei dem tag, wez der phlichtig wer?  72 den.

Auch  meldent mein herren: ob ez ainer pei der nacht tät, wez der phlichtig wer?  fur ein schedleichen man.

Ez meldent  auch mein herren: ob ainer dez nachts ainen in seinem hoff begriff der sich nicht melden wold, und slueg in ze töd, wez der verfallen .ër dem richter?  nichts.

Auch  meldent mein herren: wer fromd gest her ladet in die stat auf der purger schaden, ez sei armer oder reicher, wez der phlichtig wer?  den sol der richter pessern an leib und güt.

Auch  meldent mein herren: wer ainem  aus den henden chaüf der vor darumb chaüft hat, wez der phlichtig sei?  72 dn.

Ez meldent auch mein herren umb die vischer: die furchaufent auf vischtischen, wez der phlichtig wër?  72 dn.

Ez meldent auch mein herren: wer verpotenew  wer hat und sei daruber trait, wez der phlichtig sei?  72 dn und ist die wer verloren.

Auch meldent mein herren: wer ainem an sein haus laüft und vodert in her aüs oder ein andern, wez der phlichtig wër?  den sol man pessern nach meiner herren rätt.

Ez meldent auch mein herren: wer ainem ein swert nach scheust, .ez der darumb  phlichtig wër?  nach meiner herren rat.

So meldent auch mein herren: ob ainer ainem ein messer nach würf, .ez der phlichtig wër?  nach der herren rat.

Auch meldent mein herren: ob ainer mit ainem gladen armst liff auf die gassen und wolt in ein haus schiezzen, wez der phlichtig wer?  an leib und güt.

Ez meldent mein herren: ob ainer bei der nacht aüs seinem haus lüff mit einem armbst und schüzz ainen domit, wez der phlichtig wër?  an leib und an güt.

Ez meldent aüch  mein herren, wez der phlichtig der dem gericht nicht zü lüff, wo er daz in noten sach?  an leib und güt.

Auch meldent mein herren: ob gest kämen  zü der stat und uberlast tün wolden dem gericht oder den purgern, ez wer armer oder reicher, und der dem nicht zü lüff, wez der phlichtig dorümb wër?  an leib und güt pessern.

Auch meldent mein herren daz ein nachrichter all markchtag sol ein hüetel aüfstekchen unz daz die pürger chaufent. ez sol aüch die weil kain fragner noch fragerin nichts chaufen. ër daz tät, wez der phlichtig wër?  daz sol man im nemen.

Ez meldent  aüch mein herren daz kain fragner nach fragerin nindert anderswo sol siczen mit ir kaüfmanschaft  dann  auf dem  tägleichen markcht. er dez nicht tät, wez der phlichtig wër?  daz sol man im nemen und 6 ß 2 dn.

Auch meldent mein  herren: wer gaizz hat die den laüten schaden tünt, wez der phlichtig wer?  72 dn.

Ez meldent  mein herren: wer mist geit aüs der stat aüf das gei und nicht ainem in der stat, wez der phlichtig. ß 2 dn.

So meldent mein herren: wer ainem lüsmiet an seinem venster, ez sei bei tag oder pei nacht, wez der phlichtig wër?  nach meiner herren rat.

Auch meldent mein herren: ob ainer [ein] haüsknecht oder ein wagenknecht oder ein diern dinget der von im wer gangen uber sein willen, wez der phlichtig wer?  der sol dem sein schaden ablegen und dem richter 72 dn.

Ez meldent auch mein herren: ob ainer einem wagenknecht oder ein padknecht  oder haüsknecht  dacz im spillen liezz, der sol im nicht mer nemen dann er ob der gurtel trait. er im dorümb mer nëm, wez der phlichtig wer?  72 dn.

Auch  meldent mein herren: welicher dem gericht bei tag oder pei nacht nicht aüf tät, wez der darümb  verfallen wër?  72 den.

Auch wo ein geschrai in einem andern haus wer und daz gericht hin an köm  und im nicht auftät, wez der phlichtig wer?  72 den.

Auch meldent  mein herren: ob daz gericht ainen vahen wolt und fluch vor im in ein haüs und slueg der wïrt oder die wïrtin daz haus zü unz daz er darvon chäm, wez der dorümb  phlichtig wër?  der sol dem richter sein schëden ab legen waz er hinz im zü sprechen hat.

Auch meldent  mein herren das man dreistünd im jar sol die fewerstet schawen  und sol des räts ainer oder zwenn  [dapei sein] und der gemain zwenn. ß 2 dn, pessert er nicht in 14 tagen, und sold nider reisen.

Auch meldent mein herren daz di pekchen daz prot all süntag sullen beschawn  nach den messen, und sullen dez rats zwenn  dapei sein. ob sew dez nicht täten, wez sew darümb  phlichtig?  72 dn.

Ez meldent aüch mein herren daz kain geifleischackcher all markchtag nicht lenger ze markcht sten [sol] mit seinem fleisch dann auf den mitag. er dez nicht tät, wäs der dorümb  phlichtig wër?  dem sol man [das] fleisch nemen.

Auch  meldent  mein herren daz albeg vier schawer  schullen sein undern fleischakchern. und sullen mager  fleisch oder phinnig fleisch nemen und  nicht vail haben. ob sew dez nicht täten, wez sew darumb phlichtig wërn?  sol er nemen und 72 den.

So meldent mein herren daz kainer sol wein schenken der nicht mitburger ist, er chaüf in dann von einem pürger. az der dorümb phlichtig ist?  hat [den] wein verloren.

Auch wer garten nicht infridt vor sand Jorgen tag, waz der dorümb phlichtig wër. ß 2 dn.

Auch  meldent mein  herren: ob ainer verpotnew wart sprach oder schant tichtet, do meiner herren dez rats ainer säzz oder  zwenn und ir nit schonet, wez der dorumb  phlichtig wër?  pessern nach der herren rat.

Auch  meldent mein herren: welich aüfsäcz täten in den zechen, daz der stat schad wër, es wer armen oder reichen, waz der dorümb  phlichtig .ër?  pessern nach meiner herren rat.

Auch  meldent mein herren daz iderman sol sein reihen vermachen. er dez nicht tät, wez der dorumb phlichtig wër?  72 den.

Auch  meldent mein herren: waz uberfang ist vor der stat und in der stat in purkchfrid, daz sol der gemain sein, reich und arm. er daz doruber tät, waz der dorümb  phlichtig wër?  72 den.

Auch  meldent mein herren: ob ain pürger ain oder ze tod slüeg, der dorumb gesezzen wër, den sol der richter nicht vahen.

So meldent aüch mein herren daz die hüeter und herter nimant sol seczen dann der rat und die gemain.

Auch  meldent mein herren: ob ainer einen schedleichen man  vieng, der sol dem gericht in antwurten  und sol ledig sein und sol nichts dorümb phlichtig sein.

Auch meldent mein herren: ob ein gast fürchaufiet traid und schüttet daz in, wes der burger darümb phlichtig wer do mans hin lat. ß 2 dn und den purger pessern nach der herren rat.

Auch meldent mein herren daz kain fragner noch fragnerin sol an dem Milichmarkcht siczen. er daz uberfür, wez der phlichtig wër?  daz sol man als nemen.

Auch  meldent  mein herren daz man sol kain hoffmist fur die tür slahen, er sol in auf daz veld fürn. 72 den.

Ez meldent aüch mein herren daz kain mist sol ligen bei den vischtischen. 72 dn.

Auch meldent mein herren daz kain edelman  nach phaffen kain haüs sullen chaüfen in der stat und sol in daz nicht leichen, es sei dann der purger rat, noch kain juden.

Item, wer ambtman  oder schreiber meins herren von Passaw  ambt ist, wer ain haus verchaüft, der sol dem ambtman  nicht mer geben dann den rechten grüntdïnst. und daz selbig sol der chaüfman  aüsrichten.

Es sol auch der ambtman zü lozzen geben oder meins herrn anbalt .berzins 1 phünt phening  gelcz umb 10 phünt phening.

Ez sol auch kain landrichter aüf meins herren grünt von Passaw kain gevangen mann nicht fürn.

Auch wellent und pit?ent daz mein herren und ist daz der stat recht: .elher fragnër, er hab wanüng in der stat oder anderswo, und fürchauft ee daz man zu dem selalmbt leut, daz sol man im alles nemen, wer er sei, nimant ausgenomen. 12 den. zw wandel dem richter.

Auch gepietent und  manent  daz mein herren: wer der wër [der] velberlaub abhakt oder erleinlaüb und aüfstosst zu zaigern oder süst, sew sein sein oder ander leut, als oft man es tüt 12 den. zü wandel.

Auch gebietent mein herren: wo das sei, do des rats ainer wër und sezz zu dem wein oder wo daz wër, der do unzükcht trib und meiner herren do nicht schonet, ez wër mit worten oder mit werichen, wie er daz uberfür, den sol man pessern an leib und an güt nach meiner herren rat etc.