imrealDB

Anno domini millesimo quadringentesimo decimo 6to. das sind ünsre recht zu Ossarn.

Wer  des selben hie ünsers aigens herr und  gewaltig ist, der mag und schol im jar dreistund her zu üns kchommen, und schol üns hausgenössen dann wenten waz wir prechen haben. und wann der herr kchumpt auf das aigen und ain pantaidigen wil haben. so schol der ambtman  den nachtpawren des abentz ze wissen thüen;  und wer der wër und in der zeit aus füer und man ims doch ze wissen hiet gethan und nicht pei dem  pantaidigen und rechten belib, der wër des wandels phlichtig 72 dn. ër aber das er vör des ausgefaren wër ëe das der lherr auf das aigen kchëm oder im von dem  ambtman  ze wissen wüerdt  gethan. so wër er nichtz darumb phlichtig, aber ez schol sein scheinpot darzüe kclhommen, ob man icht hinz im ze sprechen hiet. auch hab wier das recht das wier nemmen zben gehollen di do mäner sein, das man ünsrew recht meld und lözz. und das erlaubt üns also, da pitt wier euch lieber herr.

Item, zum  ersten zu sand Jorigen  tag so schüllen wir haben ain pantaiding, item das ander  zu sand Michels  tag, item das dritt zu der liechtmess. so schol der herr die pantaiding  besiczen. und wer diezeit ambtman ist, der schol dem herren selb dritten zwai mal ze essen geben. ër aber das sein die gemain  verrer bedörft, das gieng auf die gemain. ër aber das sein ainer, zben oder drei bedörften, so gieng die zerung auch auf sew di sein bedörften.

Item, wann  ain herr auf das aigen kchumpt  und das pantaiding ains besiczt, so schol im der ambtman  das ambt aufgeben zu der dritten sprach. ër aber das er der gemain gefiel und gehörsam  wër, so mag man in lenger dapei behalten. ër aber des nicht, so schol man  ain andern nemmen mit des herren willen und nach der nachtpawren rat.

Item, ez schüllen auch albeg vier hausgenozzen  geseczt wern nach der andern nachtpawren  radt zu dem ambtman  im helfen das recht zu erkchennen und ze wenten  der andern prechen und klag.

Item, ez ist auch hie ain freis aigen iedem mann abzefaren und aufzefaren, das in daran  niemant engen  schol, wann  er unserr herschaft zuestift ier güet alz er dann durich recht schol und  anlat und auflat  pringt. er schol aber mit ainem züestiften nach der nachtpawren  rat und gefallen.

Item, man  schol auch kchainem edelmann nicht leichen unserr herren grünt.

Item, ez hat auch ain ambtman  alle güeter ze stiften und ze stören, së sein behaust oder uberlent, nach der vier rat.

Item, zu allen dinsttägen so schol man der herschaft den dinst geben, ez sei traid oder phenninggelt. er des nicht tüet ân eehafte nöt, der ist .andel phlichtig 72 dn, er hab ez dann mit willen.

Item, all panfrid schol man thüen und friden zu sand Jorigen tag. er des nicht thüet, der ist ze wandel phlichtig 72 dn.

Item, wer ain phlanzpett nicht züefridt zu ünser frawn tag zu der kchündung, der ist ze wandel dem ambtman  12 dn.

Item, kchainer schol nicht hab en gaizz noch gëns den andern nachtpawren mit schaden. thüet er ainem damit schaden, so ist er dem ambtman ze wandel  12 dn und schol dem den schaden abtragen dem  er geschechen ist.

Item, ez schol auch kchain nachtpawr  kchain frömds viech auf unser .aid nicht nemmen. er des uberfaren wiert, der ist ze wandel 72 dn und dem herren das viech verfallen.

Item, ez schol auch ieder man, wer des phlichtig ist, all fluchtgrëben und wasserleuf raumen zu rechter zeit. er des nicht tët, so ist er wandel phlichtig der herschaft 72 dn;  und wem da von schaden geschechen ist, dem schol das abtragen werden nach der nachtpawren  rat.

Item, ez schol auch niemant tüerlein hinten aus seinem haus haben do man viech in oder aus treib oder reit. il er haben ain stigel, di schol er haben ân der nachtpawren  schëden, oder er ist ze wandel 72 dn.

Item, wër ain fruchtpërigen paum abslecht, der ist ze wandel 2 dn  und 6 ß dn.

Item, wer ain grüenn felber abslecht, der ist ze wandel 72 dn.

Item, wer ain düerren felber abslecht, der ist ze wandel 24 dn.

Item, wer ain zaun ze schaden abpricht und in fuder tregt, der ist zu wandel 72 dn. und wer der ist der ains nachtpawren schaden also siecht und das nicht an den ambtman  pringt oder an dë vierer, der ist ze wandel als vil säm der der den schaden hat gethan 72 dn, und der den schaden hat gethan der schol ain andern  zaun zeunn dem daigen dem ern hat abgeprochen.

Da fragt die hausgenössen  umb  auf ieren aid ob ez ier red und recht sei?  und nembt die ersten sprach.

Item, wer wandel  verburicht auf der strass von aim valtar zu dem andern auch in den häusern, die wandel sind all unserr herschaft.

Item, ob ain todslag geschech, das ainer der hindert unserr herschaft gesessen wër ze todt geslagen wüerdt, wer den tödslag tüet der ist ze wandel unserr herschaft fuer den stain 2 dn und 6 ß dn. er schol sich auch hüeten  vor seinen veinten das së in nicht beschrein, oder in müesst der ambtman  vachen mit hilf der andern nachtpawren.

Item, wer  der ist der frömd leut di gest sint auf das aigen lët in gefär, wie maniger der ist als oft ist er ze wandel 2 dn und 6 ß dn.

Item, wer ain swert zukcht, der ist ze wandel 24 dn.

Item, wer ain messer zukcht ân schaden in gefër, der ist ze wandel 12 dn.

Item, von ainer fliessunden wunten  ze wandel 72 dn.

Item, wer verpottnew  wer tregt in ünserm aigen, ez sein uberlange mezzer  spiezz armbrust wüerfpeil, wie dë alle genannt sint, und stelt er sich damit ze wer, so ist er ze wandel 72 dn. tüet er aber damit schäden, so ist er ze wandel phlichtig 2 dn und 6 ß dn.

Item, ez schol auch ain nachtpawr  vor dem andern freiung haben  in seinem haus. er daruber in frëvel an ains haus stözzt auf und lauft hin in, so ist er ze wandel 5 lib. und 60 dn.

Wann  tüet ainer icht wider den andern, so schol ainer am ersten dem ambtman  klagen;  und wolt er im nicht richten, so schol er dem herren klagen und nicht verrer, und darnach dem vogt.

Item, wer ainem in sein haus haimleich steigt und wiert er begriffen schaden ze thüen, so ist er verfallen leibs und güets.

Item, stösst aber ainer an in frv?el und lauft nicht hin in, der ist ze wandel 2 dn und 6 ß dn.

Item, wer spannt ain armst in gevär, der ist ze wandel 72 dn.

Item, spannt er und scheusst in gevär, der ist ze wandel 2 dn 6 ß dn.

Item, ain stainwuerf in gevär der ist ze wandel 72 dn.

Item, ain hakchenwüerf  ist ze wandel 5 lib. dn 60 dn.

Da fragt die hausgenossen  umb ob ez ier red und recht sei?  und nembt di ander sprach.

Item, wer ainem lusemt an seinem venster pei der nacht in gefär, der ist ze wandel 72 dn. oder wer ainem in seinen hof kchëm und sprëch im der wiert züe wez er do phlëg, und er wolt sich nicht melden  und stëch in der wirt ze tod, so schol er in pringen auf di gassen, und der ist niemants nicht darumb  phlichtig wandels ze geben.

Item, wer wäscht  mit unflat oder mit aschen auf wegen oder auf stegen, do der gemaim  weg  handlung  und thün ist, so ist er ze wandel dem ambtman zu geben 12 dn.

Item, ez schol kchainer ainen frömden  man oder frawen halten uber den dritten tag, er wiss dann das sein nachtpawren  nicht schaden da von in kchöm. geschëch daruber iemant  schaden, so ist er wandel phlichtig 72 dn und schol dem den schaden abtragen dem er geschechen ist nach der nachtpawren  rat.

Item, ob zwen wirt oder zben inmann in ainem haus wërn, di schullen ain fewrstat haben und nicht mer. er des uberfaren wiert das er mer dann ain fewrstat hat, der ist phlichtig zu geben wandel 72 dn.

Item, umb  ainen streichunden  diep, wann  der in unser piet begriffen .iert, so schol man in halten in der vankchnüss unzt an den dritten tag;  in der zeit so schol man ez dem lantrichter ze wissen thüen. und an dem  dritten tag so schol man den deup fueren zu dem valltar und pinten mit ainem rüghalbm  zu ainer seilen und im geben ain phenbert messer in die hant, und schol dann dem lantrichter dreistund ruefen. und wann im der lantrichter vechxsent, so schol er der gemain versprechen, ob der deup .uert abgepeten  oder ledig gelazzen, das er di gemain versarig das si icht in schaden kchöm. und wann  man  dem lantrichter dreistund rüeft und nicht kchümbt, sneidt sich der deup ab und lauft und kchumpt  davon, des ist dë gemain unentgolten. das sind unsrew  recht von alter.

Item, ob ain lantrichter hiet ze sprechen hinz ainem gesessen nachtpawren hie, der schol sich verantbuerten  vor unserr herschaft oder vogt und nicht anderswo. das sint ünsre recht von alter.

Item, ez schol niemant peusch legen in den ganchk noch abschephen zwischen  den obern und nidern müllen, wenn er wër wandel phlichtig dem ambtman  12 dn.

Item, all füerveng sint unserr herschaft zu veld und zu darf. er sich der unterzug  ân willen, der ist zu wande. dn und 6 ß dn und der füerfanchk der herschaft.

Item, von ganzem lechen und halben lechen und viertail die schol man nicht verrer leichen denn die gesessen sint hinter meinem herren oder er well darauf siczen. er des nicht hielt, der ist ze wandel 2 dn und 6 ß dn.

Item, wir offen auch das der ambtman und di vierer und wen sew zu in nimbt di schullen ieczund benannt werden zu beschawen  all fewrstet in dem aigen, wasserleuf und auch marich wer des bedarf. und waz së dann prechent oder störent und widersprechent,  und wer dann di nicht .endt inner vierzehen tagen, der ist ze wandel 72 dn;  und geschëch iemant schaden  von im, dem  schol er seinen schaden abtragen nach der nachtpawren rat.

Item, ez schol auch niemant was er pawt auf ganzem  lechen, auf halben oder auf viertail lechen auf ander grünt und güeter füeren. er des nicht hielt, der ist ze wandel 2 dn und 6 ß dn.

Item, ez schol auch niemant  strab, mist geben ab unsern grünten auf ander herren grunt, oder er ist ze wandel phlichtig 72 dn.

Item, ez schol auch chkain leutgeb kchainen  nachtpawren  seinen knëcht nicht enplössen noch abziechen was er unter der güertel an hat, damit er seinem herren sein arbait saumet. wer das daruber tüet, der ist ze wandel 72 dn.

Item, zu der dritten sprach schol ieder man  seinen nachtpawren haben. er do nicht ist, der ist ze wandel 72 dn.

Nun  fragt ob ieder man seinen nachtpawren hab?  und nembt  die dritten sprach. und geb der ambtman  das ambt auf dem herren. und gët hin und beratt euch gelimphfleich.