imrealDB

Hiehernach volgen die recht des pergs der weingarten on der obern Sunleutenn etc.

Der weingarten  on der Sunleuten seint zwaiundsibenzig virtl. und von ainem  viertl dient man ain viertl pergmas.

Ain ieder der hat ain weingarten sol das perkrecht bei der slun ausrichten, oder er ist phlichtig des wandl zwenundsibenzig  phening.

Wer  das perkrecht an dem  tag als man list nicht ausricht nach an dem andern und  zuvoran an dem dritten tag nagst darnach volgent, der ist phlichtig zu wandl sechs schilling zwen phening.

Die perggenassen  sollen vor dreien tagen voran  ee wan si lesen .ollen zu dem pergmaister geen das er in das lesen erlaub. und durch dreier oder vierer willen soll man  nit lesen noch peiten;  aber was der menig gefolt, das soll der pergmaißter erlauben.

Wer  dan ain weingarten hat und gibt nit des most der an dem perg .egst, der ist zu wandl zwenundsibenzig  phening, ausgenomen  im wer dann nichts gewachsen.

Wer  ain weingarten hat an dem perg den der schawr erschlueg oder sunst von ungerath  das perkrecht nit wuerd,  der sol das kaufen an dem andern oder driten perg und das perkrecht ausrichten als vor gemelt ist. fund er aber des nit zu kaufen  an dem dritten perg zenagst, der soll der herrschaft geben fur ain virtl acht phening, .Das Folgende fast gleichlautend mit den Rechten an dem  Eichberg zu Außer-Kasten (nr. 36 II) S. 209, 6- 210, 11. 16-37.