imrealDB

Vermerkt dreier aigen ruebung und freihait Neumarckht Enspach Karlspach, die dan haisen drei freie aigen, auch welich ir nachvolgent freihait von alter herkumen bei allen den fürsten die ie gewesen und noch iez sein.

Erstlich volgen hernach  unsere  freihait des purkfridt  und  des mark etc.

Item, das erst march hebt sich an bei den Gaißstein, und von dem Gaißstain an den Vozenperg, von dem Vozenperg  an die Lotterstigl bei der stat, von der Lotterstigl uber die Ybbs an den Waldsperg,  von dem Waldtsperg  nach dem perg hinauf da der schnee herab scheust biß geen Gintzinng  an die gattersailn, von der gattersailn uber die Ybbs  in die Größniz. - Item, fragt darumb  obs recht sei?

Item, es rueben  auch die drei aigen das sich die von Newmarckht der aw sollen betragen die dan stöst an der Alltenstainer aw, die selb stöst an purkstall bei dem Plintenmarckht. Item, fr. d. o. r. s.?

Item, es haben auch die andern zwai aigen in bemelter aw zwischen sant Bärtlmeß tag und sant Michaelis tag ain värtl oder zwai und nit mer laub zu maissen. Item, fr. d. o. r. s.?

Item, es haben auch die von Newmarckht  die freihait: wo si zimmerholz notturftig sein an walden. oder an hölzern, sollen si den ambtman  zu Enspach  darumb  begriessen, der soll ins nit versagen. I., fr. d. o. r. s.?

Item, es sol auch zu Enspach in dem aigen ain ambtman  sizen und sonst nindert. Fr. d. o. r. s.?

Item, die drei aigen sollen haben  sechser, zween zu Newmarckht, zween  zu Enspach  und zween zu Karlspach. die selben sechs sollen mit sambt  dem richter und  ambtleuten wag  und maß prodt und fleisch auch die fewrstet alle pontäding pschawen. Fr. d. o. r. s.?

Item, wir haben auch zu iedem pontäding  drei sprach zu nennen. und  welicher zu den zwaien sprachen  nicht kumbt  ist nichts darumb schuldig;  .elicher aber zu der dritten sprach auß bleibt ist zu wandl 72 dn. Fr. d. o. r. s.?

Item, die pondäding  sol man  dreimal im jar halten: das erst den negsten  montag  nach unser frawen tag zu liechtmessen, das ander des negsten montag  nach sant Jörgen tag das dritt des negsten montag  nach sant Michaelis tag. Fr. d. o. r. s.?

Item, es sollen auch die fleischacker ainem armen  man ain viertail fleisch nach kauf des viechs aufschrotten. elicher aber das nit dätt, ist zu wandl schuldig 12 dn. Fr. d. o. r. s.?

Item, welicher fleischacker hiet ein pfings fleisch, der sol ain ströben kranz aufhaben. elicher das thut, ist nichts weiter schuldig;  .o man  in aber darüber  erfur, ist er das wandl 5 ß und das fleisch sol man im nemen. Fr. d. o. r. s.?

Item, in den dreien aigen sol man die kornfelder friden zu sant Michels tag und die haberfelder zu sant Jörgen tag. elicher das nit thut und uberwärt  wirdt, ist ain ieder zu wandl schuldig 72 dn. Fr. d. o. r. s.?

Item, es sollen all maiß der vörst verrüeft werden zu sant Jörgen tag. en das nit beschiecht und wirdt ainer darüber ergriffen, so ist er das wandl verfallen: ist er ain auslender so ist er zu wandl 6 ß 2 dn, ist er aber ain inwonner  so ist er zu wandl 72 dn. Fr. d. o. r. s.?

Item, es sol auch kainer vor sant Grögoren tag nicht holz maissen. elicher das aber thut und wirdt darüber erfaren oder ergriffen, der ist zu .andl 72 dn. Fr. d. o. r. s.?

Item, es sol auch kainer ân erlauben des ambtman  in das alt panholz farn. elicher aber das thut und wirdt ergriffen, der ist von ieden stam holz zu wandl 5 fl. - Fr. d. o. r. s.?

Item, es rueben auch die an der schrannen  das ain ieder zu der vechsnung  sol 14 tag im felt sicherhait mit seinen getrait haben. elicher das aber nicht thut, ist zu wandl 72 dn. Fr. d. o. r. s.?

Item, wir haben auch die freihait das wir auf dreien marktägen,  zu Ybbs zu Stainakhirchen und  zu Amstetten, kain zol noch stantgelt nicht geben. Fr. d. o. r. s.?

Item, so haben wir auch die freihait das wir kain maut nicht pflichtig noch schuldig zu geben sein was wir an der Weitten biß an  die Isper auf dem  wasser zu notturft in unsere heüser füeren. Fr. d. o. r. s.?

Item, es haben auch vorbemelte  aigen die freihait das kain lantrichter darein nit sol greifen. er aber sach das ain schedlicher man verhanden .ere, sol man dem lantrichter drei tag vorhin verkinden, und darnach soll man im den man antwarten in die Ybbs,  als dan von alter herkumen. Fr. d. o. r. s.?

Item, wir haben auch in dreien aigen recht und macht am pfinztag nach mittag und am freitag vor mittag mit vischpern zu vischen;  sollen die vischer kainem nit zu wern haben auf der Ybbs. Fr. d. o. r. s.?

Item, es wirdt auch geruegt bei iedem pandäding:  ob bei ainem ain fewr auskäm, derselb soll das fewr beschreien ehe es uber das tach kumbt. enn  er das also thut, so bedarf er nicht weichen  und hat drei tag fritt und glait;  hat er auch 32 fl. wert, so sol man in nicht annemen. Fr. d. o. r. s.?

Item, welicher man oder fraw  ainem kint oder ainem  unwizing menschen  bei der nacht aus seinem hauß ain fewr oder liecht gübt, welcher das thut und uberwärt wirdt, der ist zu wandl ân alle gnadt 5 fl. - Fr. d. o. r. s.?

Item, ob ainer dem andern an sein hauß lauft oder hinein und handlet in ubel oder seinen anwalt, der das thut und als oft ainer das uberwärt .irdt der ist zu wandl 72 dn. Fr. d. o. r. s.?

Item, ob auch ainer erschlagen wurde  und vom  leben zum  todt bracht, so hat kain lantrichter auf den leichnam noch schuldinger nicht zu greifen ôn erlauben. Fr. d. o. r. s.?

Item, so ainer dem andern ainen velber mit fräfl abhackt, der das thut und uberwärt wirt, der ist zu wandl zween und sex schilling. Fr. d. o. r. s.?

Item, so ainer dem  andern ainen fruchtpern baum  ausreit oder abschlüeg oder ainen rain oder marchstain umbgrüeb  ôn des andern wissen oder willen, als oft ainer das überwärt  wirdt ist der zu wand. fl. - Fr. d. o. r. s.?

Item, so ainer dem andern sein graß abschnit oder sein wait abezet bei der nacht mit dem  viech, als oft ainer das überwärt  wirdt ist er zu .andl 6 ß 2 dn und disen seinen schaden abzetun. Fr. d. o. r. s.?

Item, so ainer dem andern  sein viech pfendt, und dem es gepfendt ist der käm  und ließ den andern mit gewalt oder fräfl das aus seinem hoff, wer das thut der ist zu wandl zween und sechs schilling. Fr. d. o. r. s.?

Item, so ainer den andern zu anewanten  hat mit paw, so soll ainer auf den andern nicht pawen  nach dem  die sat grien ist ôn des andern .illen und wissen. er aber das überwärt wirt, ist zu wandl 72 dn. Fr. d. o. r. s.?

Item, so ainer dem andern auf sein march oder sein rain [oder] bemerk stain und anders klaubet und  schüttet ôn des andern  willen und .issen, der ist zu wandl 6 ß 2 dn.

Item, so ainer den andern  ubermäet  mit fräfl in velden oder in .isen, welicher das thut und uberwärt wirdt, der ist zu wandl 72 dn. Fr. d. o. r. s.?

Item, so ainer auf den andern wasser grebt und zu schaden kert, es sei in veldern oder in wisen, ôn des andern willen und wissen, zu wandl 72 dn. Fr. d. o. r. s.?

Item, so ainer den andern uberschneidt mit der sichel, es sei waiz korn habern oder graß. der das thut ist zu wandl 72 dn. Fr. d. o. r. s.?

Item, so ainer dem  andern an ainem  venster lußmet oder ain vensterpret einstieß, wirdt derselb erfarn, ist er zu wandl zween und sechs schilling. stöst aber der wirt heraus und stost dem lußmer die zent aus oder gar zu todt. ist er niemant nichts schuldig. Fr. d. o. r. s.?

Item, so ainer verpotten wurde auf ainen markt ôn zu red sezen und .n klag, so sol er disen zu im verpieten, und was er dan des verpots schaden nimbt, denselben ist im diser schuldig abzutragen. Fr. d. o. r. s.?

Item, es sol auch kainer in obbemelten  dreien aigen kainen inman noch infraw uber den dritten tag nicht behalten allain er sei angevogt. er das aber thut, ist zu wandl 72 dn. Fr. d. o. r. s.?

Item, es sol auch ain ieder von seinem hauß, hoff oder lechen sein verschriben und verordnete wör haben, und der herrschaft beiständig darmit zu sein[wan si sein]bedarf und im ansagt. er das aber nit helt ist zu wandl 72 dn. Fr. d. o. r. s.?

Item, wer ainem sein gedingten  knecht und diern abwürft ôn des andern gunst und willen, wer das thut ist zu wandl 6 ß 2 dn. Fr. d. o. r. s.?

Item, wer von  ainem dienstmenschen,  es sei knecht  oder diern, kaufet das si iren herrn und frawen abtrüeg, es wär fleisch prott käs schmalz  milich ungesoten garn oder anders, wer  das uberwärt  würde ist zu wandl 72 dn. Fr. d. o. r. s.?

Item, welicher zugkt ein plosse whör oder ein ploß messer, der des ergriffen wirdt, der ist zu wandl aus der schait 12 dn und widerumb in die schait auch 12 dn. ist er aber ein auslender, ist er zu wandl zween und sechs schilling. Fr. d. o. r. s.?

Item, wer ainem dem  andern zuwürft mit ainem stain, trüft er mit dem stain, der das thut ist zu wand. fl., völt er aber mit dem stain ist er zu wandl 5 fl. - Fr. d. o. r. s.?

Item, welicher den andern mit der faust schlecht an den kopf oder sunst betrifft, der das thut ist zu wandl 1 fl. - Fr. d. o. r. s.?

Item, welcher ainen fräfflich schlecht mit flacher hant, wer das thut und darüber bewärt wirdt der ist zu wandl 5 fl. - Fr. d. o. r. s.?

Item, welcher dem andern nachlauft in sein hauß in ain müll in ain padthauß in ein fleischpank oder in ain schmidtn under die tachtropfen, .er das thut und uberwärt wirdt ist zu wandl 5 fl. - Fr. d. o. r. s.?

Item, wo ainer uber den andern ain armst spannt, wer das thut und uberwärt wirdt der ist zu wandl 72 dn. scheust er aber, ist er zu wandl zween und sechs schilling. Fr. d. o. r. s.?

Item, wie man  zeun sol machen. elicher ainer dem andern ainen zaun zu nachet sezt und uberzeint, wer das thut der ist zu wandl als oft ain stecken darfür 72 dn;  ist er aber ein ausserer, ist das wandl 6 ß 2 dn. Fr. d. o. r. s.?

Item, das ober urfer sollen die nachrichter verweßen,  darumb gibt man  in die samblung.

Item, es sollen uns auch [die] vischer alle freitag unzt auf mittag mit vischen warten. Fr. d. o. r. s.?

Item, wan ainer ainem andern in sein hauß käm  und wolt im was stellen und  der ergriff in an seinen schaden und er näm im das gestollen guet wider, was das wäre, ehe das er aus den tachtropfen käme, ist er niemant  nichts darumb schuldig. Fr. d. o. r. s.?

Item, wer sach das sich zwo frawen mit einander zukriegten und pöse wort an einander geben, hetten si mannen, solt man in das anzaigen, so sollen si das wenden. o es aber nit hilft, sol man inen ainen pachstain an den hals henken  in den aigen oder markt,  den von ainem ort zu dem andern tragen. Fr. d. o. r. s.?

Item, die drei aigen haben auch die freihait: wer inen mit fräffl eingreifen thuet in iren purkfridt, ist er ain lantherr so ist er dem lantsfürsten verfallen zu pen und straff ain schilt voller gulden; ist er aber ain rittermässiger ist er zu wandl oder pen dem fürsten 32 fl.; ain burger ist verfallen 10 fl.; wer er aber ain pawr so ist er 5 fl. - Fr. d. o. r. s.?

Item, wan man  das pandäding  hat und wer daran sizt, dieselben soll der ambtman zerungfrei halten was ieder daselbst verzert;  darumb hat er das Erb im holz, das dient 5 ß und zun ostern 60 air. es hat auch ain ambtman  in den zwaien aigen zu stiften und zu störn mit sambt  den sechsern. Fr. d. o. r. s.?

Item, ob ainer in den dreien aigen ainen erschlueg, es beschech zu Newmarckht   zu Enspach  oder zu Karlspach,  so hat ain ieder drei tag aus und vergangen sein, der tätter lief biß an die Ybbs und käm widerumben in das aigen, hat er abermals drei tag sicherhait. Fr. d. o. r. s.?

Item, alle wandl [was] under fünf pfunden ist sein des richter und des ambtman,  und von alter herkumen, der gmain zu verraiten.