imrealDB

Abgeschrift des pandaiding der stat Mautternn.

Hie seind vermerkt die recht meines herrn von Passau und der stat zu Mauttarn, die man alle pandaiding melden schol.

Herr richter, seit ier gesessen das ier meines herrn von Passau recht welt horn und den purgern ier recht, dem gericht seine recht. So mel wier am ersten her richter, das ier alle jar drei taidung scholt haben. die selbing taiding scholt ier haissen riefen var vierzehen tagen. er mit dem ruef begriffen wierde und zu dem taiding nit kamb ân ains richter urlaub, der wer dem  richter schuldig zwenundsibenzig  phening nach gnad. Nun fragt ob es von alter herkumen sei?

Nun  melden si mer  her richter, das mein herr von Passau stock und galgen schol hie haben;  das auch niempt zu richten hie hat den wen mein her von Passau zu ainem richter her setz. Nun fr. ob es v. a. h. s.?

So mel wier mer das der richter kain nachrichter schol seczen ân der purger rat und willen. N. fr. ob es v. a. h. s.?

So mel wier mer: als verr meins herrn von Passau gericht get, so mel wier von  hin unz ins Windstal, und  auf gen urfar in den pach, und mitten auf die Taunnau,  und hinaw in die Palt, von der Palt an den lebar, von dem lebar an des Hornpeckhen  graben, von des Hornpeckhen graben an die Vlieserin, von  der Vliesserin an den Khatzngraben also .eit der Siendlperg ist, alle straff und fierfang, das niemant auf zu richtn hat wen meins herrn von Passau richter. N. fr. ob es v. a. h. s.?

Nu mel wier her richter: ob ain wasser durchrunsig wurde, wo ain man  ain aigen beim wasser hiete, präch herdan, das es durchrunsig .urt, so war es meins herrn von Passau;  schütt es si aber wider, so gehort es wider zum aigen da es von kumen  ist. - N. fr. ob es v. a. h. s.?

So mel wier mer: ob ainer auf des abts guet gevangen  wurde daz den tod traf, da schol ain lantrichter sitzn an dem urfar und scholt das antlitz iber Tainau kehren, und scholt der varsprech der Tainau  also nahent sten das im daz wasser an die versen rur. zu dem selbigen taiding schol der purger kainer zu gen, man  pit dan darumb. N. fr. ob d. v. a. h. s.?

So mel wier mer: ob ainem purger ain unglückt  geschäch das er ain zu todt schlieg, hat er es zu verphenten, so ist er meinen hern von Passau dreissig phunt phening,  dem richter funf phunt  vervallen, so sol man in aus seinem haus weder treiben noch tragen, gar nichs nit. N. fr. ob d. v. a. h. s.?

So melden  die purger um ain freiung hie in der stat: wer das ain geruechters man  cham, und begrif das gericht ainen fluchtigen man an der freiung an der hanthab in der Luz, so mag er in wol herdan ziehen;  kumbt er aber hinuber  Luz, so schol im das gericht nicht nachtretten. N. fr. ob v. a. h. s.?

Mer  melden wier auch: ob ain man  ain zu todt schlueg und wer mein herrn nit guet um das wandl, hiet er aber ain fraint der meim herrn guet war, der vier in versprach, so schol man  im in sten lassen, es war dan daz schrai kamb, so schol man in richten also der stat recht ist. . N. fr. ob d. v. a. h. s.? 

So melden  wier auch: ob ain man begrif ainem an seinen schaden, es war bei tag oder bei nacht, und mecht in zu gericht nit bringen, schlug er in zu todt, so wer er dem gericht nichts phlichtig. N. fr. ob v. a. h. s.? 

Wier vermelden auch: ob ain purger den andern verpeut in ain andern gericht, der war dem  gericht zwen und shechs schilling. as gehandlet und gewandlt wirdet, das schol hie werden ausgericht. N. fr. etc.

Wier melden auch das man schol herzue fiern floss und stecken und .as  der stat not ist von holzwerich. und schol den floss heftn, darab nichs tragen;  es weren iber die Tainau dem mauter seine recht geben, alsdan mag er sein frum schaffen mit den floss. N. fr. etc.

Wier melden auch: um das wasser zu Pach das in den weg gett, ist aufgesetzt mit der herrn gunst: wer der war und keret das wasser in .eg, der war dem richter zwen und sechs schilling. N. fr. ob v. [a.] h. s.?

Wier  melden auch: ob ain purger ain gast verpeut und verpeut in unrechtlich, ist der purger gefalen dem richter 12 pfening;  hiet aber der gast unrecht, ist er dem richter 72 pfening zu wandl. N. [fr.] ob das v. a. h. s.?

Wier melden auch: ob ain purger sein gelter ankam in der stat, das er das gericht nit bekumen möcht und wolt im der gelter nit rechtlich mit faren, so mag er den gelter wol anfallen unz an daz gericht;  das er dem gericht nichs darumb phlichtig. Nun fr. etc.

Wier melden auch: ob ain purger ain schwert zucket, das es ân schaden ergieng, so war  er dem  richter 24 pfening, ain messerzucker 12 pfening, als auf genad. N. fr. etc.

Wier melden  auch: ob ainer ain inman hiet der im zins schuldig  .ar und im des nit geben wolt, so mag er in wol phenden was er im ân laugen stet, und was er im laugent da schol er daz recht umb nemen;  da ist er dem gericht nichs darumb phlichtig. N. fr. ob es etc.

Wier melden auch: ob ain burger hiet ain knecht und kam zu aim leitgeben, schol er in nit hoher spillen lassen wenn er ob der giertl hat. lat er in hoher spillen, so schol er in nit hoher phenten. N. fr. etc.

Wier melden auch: ob ainer dem andern sein knecht oder diern aus dem  dienst dingt, so schol er im ain andern dienstpottn stellen an stat. N. fr. etc.

Wier melden  auch das man  alle jar zu dem taiding ains schol fürtragen die metzen, vierttail und eimer und schol sie vachten. er das nit thuet, der ist dem richter daz wandl schuldig. N. fr. etc.

Wir melden  auch das die leitgeben sollen riegen zu allen tädingen .as in iren heusern  geschiecht von  aim taiding zu dem andern. ob der riegung nit geschach, so war der leitgeb dem richter verfallen sein wandl.

Wier melden auch das die peckn sollen haben prot auf drei tischen, auf ainem  semles, auf zwaien waizes. und dan die fleischhacker sollen haben al phinztag nacht fleisch auf dreien tischen, wellicherlai der zeitn rar ist. und dan die vischer schollen ier visch alle vastag bei der stat haben unz das man ains zu dem  ambt leut. an dan das die pecken, fleischhacker und vischer des nit thättn, als oft si das iberfuren als oft ist ier ieder 12 pfening nach genadt.

So melden wier auch: wer daz ain fluchtiger man an das urfar kam und thet dem vergen als lieb daz er in fieret, kam aber das gericht hernach und ruef dem vergen nach das er in herbider zufueret, war aber der fluchtig man  als stark das er in von stat muss fiern, da wär der verig dem gericht nichs schuldig.