imrealDB

Hie sint vermercht die recht dew wier holden und vogtleut gesessen in [Weittner] pharzehent und dapei von alter gehabt haben und auch hinfuer haben sullen, was unser gewidemt und gestift sein zue der cappeln genn Winbergk.

,(Darin) kommen vor: die Ordnung, das Recht und die Zeit Weingarten zu bauen, das Mass nach dem Emersdorfer Eimer zu nehmen und wie viel die Herrschaft (Herr von Seysseneck) an Wein und Most zu fordern hat, und wann die Lesezeit anfängt, auch der Ausdruck: Wein von Winbergk, dann Folgendes' (R):

Und der wein muß auf wagen mit laitern und mit andern dingen di dazu geherent zur herrschaft gebracht werden.

Auch soll man den habern nach aller heiling tag gen Winbergk pringn. und wan dan wir den most und habern, wie var gescriben stett, also var sein thier pringn, alsdan sol er dem ambtman ain rock und gugltuech  gebn ain eln fuer 3 und dreissig pfening und den andern fuerleiten essen und trinkchen dergleichen, als dan von alter herkumen ist.

Item, alle jar ain pfunt wax sol man gebn einem iedlichen verbeser der capeln zu Winberckh.

Item, das thadinggelt summa 3 schilling 6 pfening.

Item, ein holz ligt bei dem hamer pei Pechstal, gehert zu dem stift sant Peter.

Item, alle offertoria, opfer, das ganz jar zu Winberck in dem schloß zu sant Peter gehern in den pharhoff gen Winberk. zu Molndarff hat ain ieder  [verbeser] der capeln zu Winber drei wein[garten] und drei weinzierl di si pawn muessen.

Item, zu Moranz hatt ein ieder verbesser zu pawn 14 ß 6 dn und nit mer.

Deo gracias.